Uchaguzi

MAJUKUMU YA KITENGO CHA UCHAGUZI

• Kuratibu shughuli zote zihusuzo uchaguzi (uchaguzi wa serikali za mitaa, uchaguzi mkuu na chaguzi ndogo zote zitakazo jitokeza baada ya uchaguzi kufanyika).
• Kuratibu mazoezi yote ya uboreshaji wa daftari la kudumu la wapiga kura kwa uchaguzi mkuu na Orodha ya wapiga kura kwa Uchaguzi wa serikali za mitaa
• Kuratibu maswala yote muhimu kwa ajili ya kuwezesha mazoezi ya uchaguzi (maswala hayo ni pamoja na maandalizi ya uteuzi wa wagombea, kuratibu kampeni za wagombea, maadalizi ya vituo vya kupigia kura, mafunzo kwa washiriki wote wa mazoezi ya uchaguzi. Mambo yote haya yanafanyika kwa ushiriji wa karibu na TUME YA TAIFA YA UCHAGUZI na Wizara inayosimamia Uchaguzi wa serikali za Mitaa).
• Kushirikiana na Idara ya Utumishi kuhakikisha mafunzo ya mara kwa mara yanafanyika kwa Wenyeviti wa Serikali za Mitaa ili kuwawezesha kutekeleza majukumu yao kwa Mujibu wa Sheria
• Kumshauri Mkurugenzi juu ya maswala yote yahusuyo uchaguzi katika Halmashauri ili kuwezesha mazoezi hayo kufanyika kwa mujibu wa Sheria
• Kutekeleza majukumu mengineyo kwa maelekezo ya Mkurugenzi Mtendaji wa Halmashauri ya Wilaya. 
• 
  
• 
  
• TAARIFA YA KITENGO CHA UCHAGUZI KWA MWAKA 2016/2017
• 
  
• UTANGULIZI

Katika kipindi hiki cha mwaka 2016/2017 kitengo cha Uchaguzi kimeendelea kutekeleza majukumu yake kama kawaida. Shughuli zilizofanyika katika kipindi hiki ni kama ifuatavyo.

Kufuatilia kesi za uchaguzi zilizopo mahakamani za uchaguzi wa serikali za mitaa 2014 na uchaguzi Mkuu 2015

Kuhudhuria vikao mbalimbali vya kikazi

Kuratibu nafasi wazi za viongozi wa kata , Vijiji na Vitongoji

Kusimamia’ Hesabu za mali (Stock taking) ya vifaa vya uchaguzi

2.0 UTEKELEZAJI

2.1 Kufuatilia kesi za uchaguzi zilizopo mahakamani za uchaguzi wa serikali za mitaa 2014 na uchaguzi Mkuu 2015.

Jumla ya kesi 3 za uchaguzi wa serikali za mitaa wa mwaka 2014 bado zipo mahakama kuu katika hatua  ya usikilizwaji; na kesi 1 ya uchaguzi mkuu ,2015 wa madiwani nayo iko mahakama kuu kwa hatua ya usikilizaji.

Kuratibu nafasi wazi za viongozi wa kata , vijiji na vitongoji

Kwa mwaka 2016/17 jumla ya nafasi 54 za viongozi wa vijiji ziko wazi kutokana na sababu mbalimbali kama inavyoonekana katika jedwali  hapo chini .Aidha kulingana na maelekezo tuliyoyapata toka Ofisi ya katibu tawala Mkoa kwa barua kumb Na.FA.78/148/01’D’/56 ya Tarehe 06/12/2016 uchaguzi mdogo wa kujaza nafasi wazi za viongozi wa vijiji na kata unagharimiwa na Halmashauri husika. Katika bajeti ya 2016/17 ziliidhinishwa Tsh. 10,017,000 makisio halisi ni Tsh.  20,385,000.00. Hivyo ufanyikaji wa uchaguzi mdogo utategemea upatikanaji wa fedha.

kusimamia Hesabu za mali (Stock taking) ya vifaa vya uchaguzi

kazi hii imefanyika tarehe 10 Juni,2017 kwa kushirikiana na kitengo cha manunuzi na ugavi.

Jedwali A: Nafasi wazi za Viongozi wa Vijiji na Vitongoji kwa mwaka       2016/2017

3.0 Changamoto

katika kipindi hiki kitengo kimekabiliwa na changamoto ya   kushindwa kuteketeza nyaraka za chaguzi zote mbili kutokana na kuwepo kwa kesi mahakamani na pia kutopata mwongozo wa uteketezaji wa nyaraka za uchaguzi wa serikali za mitaa.

Afua ya kukabiliana na changamoto hizo: kufuatilia kwa karibu kesi zilizopo mahakamani ili zikamilike . Hata hivyo kitengo kinaendelea kuwasiliana na mamlaka za juu ili kuona namna ya kutelekeza nyaraka kwa maeneo ambayo hayana kesi na pia kupata mwongozo wa uteketezaji wa nyaraka za uchaguzi wa serikali za mitaa kwa mwaka 2014.

Ashura A. Kajuna

 MKUU WA KITENGO CHA UCHAGUZI

HALMASHAURI YA WILAYA

KARAGWE