Kamati hii hushughulikia mambo yote yanayohusu afya ya jamii, elimu na huduma na maji. Kamati hii hushughulikia mambo yanayohusiana na jitihada za wananchi vjijini ili kujiletea maendeleo yao kwa kutumia mbinu mbalimbali ikiwa ni pamoja na kushauri, kushawishi, kuzindua, kuelimisha na kushirikisha wananchi hao hasa katika kutayarisha, kutekeleza, kusimamia na kutathmini mipango yao ya maendeleo.
Majukumu ya Kamati hii ni kama ifuatavyo:
Kuandaa mipango madhubuti ya maendeleo ya upanuzi na ujenzi wa hospitali, vituo vya afya na zahanati.
Kuandaa mipango ya maendeleo ya upanuzi na ujenzi wa shule za awali na msingi na elimu ya watu wazima kwa mujibu wa Sheria ya Elimu ya Mwaka 1978 kama ilivyorekebishwa mwaka 1995.
Kupendekeza mipango ya ujenzi au upanuzi wa vituo, viwanja, majengo, na mazingira ya burudani, starehe, mapumziko na michezo.
Kuamua juu ya mambo yanayohusu uhifadhi wa mambo ya kale na mandhari mbalimbali zenye sura nzuri.
Kuamua na kuratibu njia bora juu ya uhifadhi wa nyaraka muhimu kwa ajili ya kumbukumbu hizo zitahifadhiwa kwa mujibu wa Sheria ya Serikali za Mitaa Sura ya 287.
Kupendekeza njia bora juu ya uhifadhi wa sanaa mbalimbali za ufundi na za maonyesho kwa mujibu wa Sheria za Serikali za Mitaa Sura ya 287.
Kupendekeza matumizi mazuri ya lugha ya taifa.
Kupendekeza namna ya malezi ya vijana ili waweze kuwa wazalishaji katika Taifa.
Kuweka mikakati madhubuti ya kuhakikisha kila mtoto aliyefikia umri wa kwenda shule anafanya hivyo.
Kuweka mikakati ya makusudi juu ya njia bora za kuchangia baadhi ya huduma za Elimu na Afya.
Kubuni na kupendekeza njia bora za kuzuia na kudhibiti magonjwa ya mlipuko.
