Kamati hii itashughulikia masuala ya uzalishaji mali ikiwemo kilimo, mifugo, viwanda, madini, Biashara n.k. Aidha itashughulikia pia miundombinu na suala zima la maendeleo ya Ardhi na hifadhi ya mazingira.
Majukumu ya Kamati hii ni kama ifuatavyo:
Kupendekeza kwa Halmashauri mipango ya kupanua biashara na jinsi ya kukusanya mapato yatokanayo na upanuzi huo.
Kupendekeza mipango ya matumizi ya ardhi katika eneo la Halmashauri.
Kusimamia matumizi ya Sheria ya nguvu kazi.
Kuandaa mipango madhubuti ya maendeleo ya upanuzi wa kilimo katika Halmashauri.
Kusimamia na kuhakiki miradi ya ujenzi wa masoko, minada, majosho na vituo vya maifugo.
Kushughulikia uanzishaji na uendelezaji wa vyama vya ushirika kwa mujibu wa Sheria ya Vyama vya Ushirika. Kusimamia na kuhakiki maeneo ya misitu, mapori na mbuga zilizotengwa kama hifadhi ya mamlaka za Serikali za Mitaa.
Kupendekeza na kufanya tathmini ya uendelezaji wa mabonde, mito na mabwawa.
Kubuni na kupendekeza namna ya kudhibiti moto.
Kubuni na kupendekeza mikakati ya utumiaji wa nishati mbadala, kuzuia ukataji wa miti ovyo na kuhimiza upandaji wa miti.
Kuhakikisha kwamba ukaguzi wa majengo unafanyika mara kwa mara.
Kupendekeza mipango madhubuti ya ujenzi wa barabara vijijini na wilayani kwa ujumla.
