Kamati hii itakuwa na wajumbe wasiozidi watano (05) walioteuliwa na Halmashauri kutoka miongoni mwa madiwani waliochaguliwa. Mkuu wa Idara ya Utumishi na Utawala atakuwa ndiye Katibu wa Kamati hii.
Malalamiko kuhusu uvunjaji wa Kanuni hizi yanaweza kutolewa na mtu mmojawapo kati ya hawa wafuatao.
Mtu yeyote ambaye ameathiriwa au anaelekea kuathiriwa na kitendo au maamuzi yaliyofanywa na diwani.
Diwani.
Mtumishi wa Halmashauri.
Kamati ya Maadili kwa kuamua yenyewe.
Majukumu ya Kamati hii yatahusisha:
Kutoa ushauri kwa Halmashauri kuhusu utekelezaji wa Kanuni hizi.
Kufanya uchunguzi wa madai ya uvunjaji wa Kanuni za Maadili ya Madiwani na kuwasilisha mapendekezo kwa Halmashauri kwa hatua zinazostahili.
Kutoa ushauri wa maoni kwa Halmashauri na kwa Diwani mmoja mmoja kuhusu masuala yanayohusu mwenendo wa kimaadili.
