UZINDUZI WA CHANJO YA SURUA, POLIO NA RUBELLA WAFANYIKA KARAGWE KIMKOA.

Imewekwa: October 18th, 2019

Na Frank I. Ruhinda

Uongozi wilayani Karagwe kwakushirikiana na timu kutoka mkoani, kwa kauli moja wamezindua chanjo  ya magonjwa ya watoto ya surua, rubella na polio hasa kwa watoto wa kuanzia miezi tisa hadi kufikia  miaka mitano.

Akiongea mbele ya halaiki iliyokuwepo katika kituo cha afya mjini Kayanga Mkuu  wa  wilaya  ya  Karagwe kwa niaba ya mkuu wa mkoa Ndg Godfrey Mheruka, amesema chanjo juu ya ugonjwa wa  surua imekua ikifanyika kila baada ya miaka mitatu, kuanzia mwaka 1999 hii lea.    

Aidha Bw Mheruka amesema kwa zoezi hili kwa magonjwa tajwa hapo juu, wanatarajiwa  kutoa  huduma kwa walengwa zaidi ya laki nne themanini na sita elfu, na lengo ni kudhibiti milipuko na  kutomeza magonjwa hayo.

“Ingawa kiwango cha chanjo kimeendelea kuwa juu, milipuko ya ungonjwa wa surua na rubella  imekuwa ikitokea kutokana na ukweli kuwa baadhi ya watoto hawakailishi ratiba ya  chanjo” amesema  mkuu huyo wa wilaya.

Inasemekana kuwa chanjo ya surua na rubella itakayotolewa inalenga kutokomeza magonjwa, ulemavu  na hatimae vifo kwa watoto wetu, jamii inayotuzunguka na hatimae Taifa kwa ujumla.

Magonjwa yanayokingwa kwa chanjo hapa Tanzania kwa sasa ni Kifua kikuu, Dondakoo,  Kifaduro, Polio,  Surua, Rubella, Pepopunda, Homa ya ini, Homa ya uti wa mgongo, Kichomi, Kuhara na Saratani ya  mlango wa kizazi.

Chanjo ni mkakati muafaka katika kutokomeza magonjwa na kupunguza vifo kwa watoto, na hivyo  kupunguza gharama kubwa ambazo familia, jamii na Taifa kwa ujumla lingetumia katika kutibu  magonjwa yanayozuilika kwa chanjo. Kwa mantiki hiyo, chanjo ni uwekezaji  wa kiuchumi katika familia,  jamii na Taifa kwa ujumla.