HALMASHAURI YA WILAYA YA KARAGWE YASAINI MKATABA WA MILLIONI 634 NA JIMBO LA FURTH NCHINI UJERUMANI KUDHIBITI TAKA NGUMU.

Imewekwa: August 28th, 2024

Halmashauri ya Wilaya ya Karagwe imesaini mkataba wa miaka minne na Jimbo la Furth wenye thamani ya shilingi za kitanzania million 634 kwa lengo la kudhibiti taka ngumu ilikuimairisha utunzaji wa mazingira mamlaka ya mji mdogo wa Kayanga

Zoezi hilo la utiaji saini limefanyika tarehe 23 julai 2024 katika ukumbi wa ELCT Wilayani Karagwe na kushudiwa na waheshimiwa madiwani, wakuu wa Idara na Vitengo, baadhi ya watumishi wa umma, waandishi wa habari pamoja na wawakilishi kutoka jimbo la furth nchini Ujerumani

Mkataba huo umetiwa saini na Mkurugenzi mtendaji Bi.Happiness Msanga, Mwenyekiti wa Halmashauri Mhe; Wallace Mashanda, Mwanasheria wa Wilaya Ndg; Saul Nyamunda pamoja na meya wa jiji la Furth nchini Ujerumani Ndg; Andrea Horsche

Akizungumza mara baada ya utiaji saini, mwenyekiti wa Halmashauri Mhe; Wallece Mashanda amelishukuru jimbo la Furth kwa mchango wao na kuwa mdau wa maendeleo Karagwe nakuahidi kuwa pesa hizo zitatumika kama walivyokubaliana katika mkataba. Pia aliongeza kuwa, Halmashauri itachangia asilimia 10 ya mkataba huo fedha kutoka mapato ya ndani ili kuhakikisha utekelezaji wa utunzaji mazingira unaimarika

Kwa upande wake Bwana Andrea amesema kuwa jimbo la furth lipo tayari kutekeleza mradi huu kwa ushirikiano kuhakikisha mazingira yanatunzwa kwa ajili ya kizazi cha sasa na kijacho

“Kwa Ushirikiano tunaweza kufanikisha mambo makubwa kwa ajili ya Manispaa zetu, mazingira yetu kwa ajili yetu na kizazi kijacho na tunasubiri kwa hamu hatua zijazo za utekelezaji na ushirikiano zaidi” alisema Adrea

Aidha Diwani wa kata ya Ihanda Mhe: Ladislaus Kamuhangile amelishukuru jimbo la Furth kwa mradi huo, na kuomba waendelee kushirikiana kwa mambo mengine ya kuleta maendeleo Karagwe