Sita Mbaroni kwa Uvuvi Haramu Wilayani Karagwe

Imewekwa: September 21st, 2017

Sita Mbaroni kwa Uvuvi Haramu Wilayani Karagwe

Na , Geofrey A. Kazaula   Afisa Habari  Karagwe

Watuhumiwa sita wamekamatwa  wakijihusisha na shughuli  za uvuvi haramu katika ziwa Burigi Wilayani Karagwe.

Wavuvi hao walikamatwa wakiwa na vifaa mbalimbali vya kufanyia shughuli hiyo ikiwa ni pamoja na Kokoro lenye thamani ya Shillingi Millioni nne.

Kwa mujibu wa  Afisa uvuvi wa Halmashauri ya Wilaya ya Karagwe bwn, Remigius Christian, uvuvi haramu una athari kubwa sana ikiwa ni  pamoja na  kusababisha uharibifu wa mazingira, kuharibu mazaria ya samaki, kuua viumbe hai wa majini na hatimaye kusababisha kupungua au kutoweka kwa samaki .

Wakitoa maelezo ya awali, wavvuvi hao walieleza kuwa biashara hiyo wanaifanya wakiwa wametumwa na mwajiri wao  kutoka Wilaya jirani ya Muleba.

Kwaupande wake Diwani wa kata ya Rugu  Mh, Adrian Kobushoke  amewataka wananchi kuenndelea kutoa ushirikiano kwa kutoa taarifa za uharifu wa aina hiyo na kwamba kwa kufanya hivyo  watadhibiti uvuvi haramu na kujipatia kitoweo cha kutosha kila siku ikiwa ni pamoja na kujipatia mapato kutokana na biashara  ya samaki.

Hadi sasa watuhumiwa wote sita wanashikiriwa na jeshi la polisi   na wanatarajiwa kufikishwa mahakamani  kujibu tuhuma zinazo wakabili