Idara ya Zima Moto Wilayani Karagwe Yawezeshwa.

Imewekwa: October 12th, 2017

Idara ya Zima Moto Wilayani Karagwe  yawezeshwa

Na, Geofrey A.Kazaula – Karagwe 

Kikosi cha zimamoto Wilayani Karagwe kimeongezewa nguvu baada ya kupata msaada wa vifaa mbalimbali vyenye thamani ya takribani Millioni 30 za kitanzania.

Kwa mujibu wa Mkuu wa jeshi  la zimamoto  Wilayani Karagwe  Sgt  Peter Mmbare  vifaa hivyo vimetolewa na  wafadhili kutoka nchini Ujerumani kwa kushirikiana na  Idara ya zimamoto ya jimbo la Kolon nchini humo.

Akitoa ufafanuzi juu ya msaada  uliotolewa Sgt Peter  ameeleza kuwa vifaa hivyo ni pamoja na  Safety Belt, Fire Suit,   Fedha  tasilimu ambazo ni Euro  200 pamoja na Safety but  kama mavazi maalum kipindi cha kuzima moto.

Aidha ameongeza kuwa wafadhili hao wame ahidi kuendelea kukisaidia kikosi cha zimamoto Wilayani Karagwe  na kwamba kwa sasa wako kwenye mpango wa kununua gari kubwa kwaajili ya shughuliza zimamoto ambalo  pia litakabidhiwa .

Kwa upande wake Mkuu wa Wilaya ya Karagwe  ndg, Godfrey Mheluka  alipongeza jitihada zilizofanywa na wafadhili hao kwa kukisaidia kikosi cha zimamoto na kusisitiza kuwa vifaa hivyo vitumike katika kukabiliana na majanga ya moto.

Makabidhiano hayo ya vifaa yaliyofanyika katika ofisi ya Mkuu wa Wilaya ya Karagwe yalihudhuriwa pia na viongozi mbalimbali  zikiwemo taasisi binafsi  , wah Madiwani, Mwenyekiti wa Halmashauri, Kaimu Mkurugenzi Mtendaji Bi Ashura Kajuna, Katibu tawala na viongozi wengine ambao pia ni wajumbe wa kamati ya Ulinzi na Usalama.