Maandalizi ya mbio za mwenge wa uhuru kwa mwaka 2019 yaendelea

Geofrey A.Kazaula 

Maandalizi ya kuupokea Mwenge wa Uhuru kwa mwaka 2019 Katika Wilaya ya Karagwe yanaendelea ambapo kwa ujumla, Mwenge wa Uhuru Utakuwa katika Mkoa Wa Kagera mnamo mwezi wan ne ( 4) 2019

Inakadiliwa kuwa kwa Wilaya ya Karagwe, mwenge wa uhuru utaingia  kuanzia tarehe 25/04/2019

Ukiwa Wilayani Karagwe, Mwenge wa Uhuru utatembelea na kuzindua miradi mbalimbali ya maendeleo kama ifuatavyo:-

Kikundi cha watu wenye Ulemavu ( Tumaini Nyaishozi), Ujenzi wa Kituo cha Afya Nyakayanja, Klabu ya wapinga Rushwa Shule ya Sekondari Nyakahanga, Ujenzi wa barabara  kwa kiwango cha Lami Mjini Kayanga na Omurushaka , Ujenzi wa Hospitali ya Wilaya ya Karagwe, Ujenzi  wa mabweni na vyumba vya madarasa katika chuo cha Ufundi KDVTC , Kikundi cha Vijana ( Lemon Villa) , Kikundi cha wanawake Juhudi na Maarifa  na maonesho mabanda ya UKIMWI, Malaria  na mabanda ya wapinga Rushwa.

Hata hivyo, mwenge wa uhuru utalala katika uwanja wa changarawe  Kayanga na wananchi wote mnakaribishwa kushiriki kikamilifu.

Katika uwanja huo kutakuwa na matukio mbalimbali kama burudani pamoja na ushuhuda mbalimbali wa watu wanao ishi na ugonjwa wa UKIMWI. Pia kutakuwa na huduma mbalibali kama upimaji wa UKIMWI kwa hiari pamoja na upimaji wa ugonjwa wa Maralia.

Taarifa zaidi zitaendelea kutolewa na Maafisa Habari kupitia Kitengo cha TEHAMA kadili maandalizi yanavyo endelea.