HALMASHAURI YA WILAYA YA KARAGWE YAMLILIA ALIYEKUWA RAIS WA JAMHURI YA MUUNGANO WA TANZANIA MH. DKT JOHN POMBE MAGUFULI PAMOJA NA KUMPONGEZA MH. SAMIA SULUHU HASSAN KUAPISHWA KUWA RAIS WA JAMHURI YA MUUNGANO WA TANZANIA.

Imewekwa: March 19th, 2021

Uongozi wa Halmashauri ya Wilaya kupitia kwa Mwenyekiti wake wa Halmshauri ya Wilaya Mh. Wallace Mashanda pamoja na Mkurugenzi Mtendaji wa Halmshauri ya Wilaya hii mnamo Machi 18, 2021, umetuma salamu za pole kwa watanzania wote kwa kuondokewa na aliyekuwa Rais wa Jamhuri ya Muungano wa Tanzania Mh. Dkt. John Pombe Magufuli aliyekutwa na umauti mnamo Machi 17, 2021 katika hospitali ya Mzena ya Mkoani Dar es Salaam alikokuwa akipatiwa matibabu.

Aidha katika salamu hizo, viongozi hao kwa niaba ya wananchi wa Halmashauri ya Wilaya ya  Karagwe, kwa mara nyingine tena, wamempongeza Mh. Samia Suluhu Hassan  kwa kuapishwa na kuchukua hatamu ya kuwa Rais wa sita (6) wa Jamhuri ya Muungano wa Tanzania.