WADAU WAOMBWA KUJITOKEZA KUDHAMINI SEKTA YA MICHEZO WILAYANI KARAGWE.

Imewekwa: May 17th, 2021

Na Innocent E. Mwalo.

Mkurugenzi wa Kampuni Hlucky Kombucha Investment, Bw. Hamis Jumanne, ametoa rai kwa wadau wote wa michezo wilayani Karagwe kuunga mkono juhudi za serikali katika kufadhili shughuli mbalimbali za michezo wilayani hapa.

Bw. Jumanne aliyasema haya ofisini kwa Mkurugenzi Mtendaji wa Halmashauri ya Wilaya ya Karagwe alipokabidhi jezi ajili ya timu itakayoshiriki mashindano ya Shule za Misingi Tanzania (UMITASHUMTA) pamoja na ile itakayoshirikisha mashindano kwa shule za sekondari Tanzania (UMISETA) ikiwa ni mwendelezo wa jitihada za Kampuni yake kufadhili shule za michezo maana hivi karibuni kampuni hiyo ilitoa ufadhili mkubwa kwa timu ya Nyaishozi FC waliofuzu kuingia katika ligi daraja la pili.

Katika halfa hiyo, Katibu Msaidizi wa Chama cha Mpira Mkoa Kagera, Majaliwa Said alimshukuru Bw.  Jumanne na wadau wengine wa michezo kwa namna wanaoendelea kujitoa na kuunga mkono jitihada za serikali katika kuinua sekta ya michezo hapa wilayani Karagwe.