UJENZI WA HOSPITALI YA WILAYA KARAGWE WAENDELEA KWA KASI.

Imewekwa: January 29th, 2019

Na Geofrey A.Kazaula

Serikali ya awamu ya tano chini ya Mh, Rais Dr . John Pombe Magufuli imetoa jumla ya Shilingi  Billioni moja nanusu kwa ajili ya ujenzi wa Hospitali ya Wilaya ya Karagwe.

Ujenzi huo tayari umeanza  kwa awamu ya kwanza na majengo saba  ambayo ni pamoja na  Jengo la Utawala, Jengo la wagonjwa wan je (OPD ), Jengo la  X-ray , Jengo la maabara, Jengo la wodi ya akina mama, Jengo la stoo ya dawa na Jengo la Kufulia.

Hadi sasa ujenzi huo unaendelea vizuri kwa kutumia mfumo wa ‘‘Force Account ’’ inayo wajumuisha mafundi wa ndani.

Akizungumza na watumishi  wanaosimamia ujenzi huo, Mkurugenzi Mtendaji wa Halmashauri ya Wilaya ya Karagwe  Ndg, Godwin M.Kitonka amesisitiza juu ya kufanya kazi kwa ufanisi na kusimamia kila hatua ya ujenzi huo.

‘‘ Nitoe wito kwenu mnaosimamia vifaa pamoja na ujenzi mfanye kazi kwa uadilifu wa hali ya  juu kama mlivyosimamia miradi iliyotangulia ya ujenzi wa Vituo vya Afya hadi ika kamilika bila matatizo na mimi ntakuwa najiridhisha kila siku hadi kukamilika kwa mradi huu’’. Amesema Kiongozi huyo.

Kwaupande wake msimamizi  Mkuu wa ujenzi huo  Eng, Magai Kakuru amefafanua kuwa majengo hayo saba yanayojengwa  yatasimamiwa kwa ukamilifu na kuhakikisha yanakamilika kulingana na mkataba unavyotaka ambapo hadi  mwishoni mwa mwezi Aprili 2019 majengo hayo yatakuwa yamekamilika.