RAIS SAMIA SULUHU HASSAN ATOA MKONO WA EID-EL-FITR KWA WATOTO YATIMA WILAYANI KARAGWE.

Imewekwa: April 10th, 2024

Rais wa Jamhuri ya Muungano wa Tanzania Dr. Samia Suluhu Hassan ametoa zawadi ya Mkono wa Eid-el-Fitr katika Kituo cha Kulelea Watoto Yatima cha TOSO kilichopo Mkoani Kagera Wilayani Karagwe.

Zawadi hizo zimewasilishwa na Katibu tawala Wilaya ya Karagwe Ndg: Rasul Eliud Shandala ambaye ameambatana na Mkurugenzi Mtendaji wa Halmashauri ya Wilaya ya Karagwe Dr. Amon David Mkoga na Baadhi ya wataalamu (CMT) na Kukabidhi Zawadi hizo leo April 10, 2024.

Aidha wakati wa kugawa zawadi hizo za Mkono wa EID Katibu Tawala Wilaya ya Kargwe Ndg: Rasul Eliud Shandala  ametoa rai kwa wananchi wanao wanyanyasa watoto yatima pale wazazi wao wapokuwa wamefariki na kuwanyima haki zao za msingi kuacha tabia hizo mara moja na kuwapa upendo na uangalizi wa karibu ili waweze kutimiza ndoto zao.

Pia Katibu tawala Wilaya ya Karagwe Ndg: Rasul Eliud Shandala amemuwakilisha Mkuu wa Wilaya ya Karagwe Mhe: Julius Kalanga Laiser ambaye yupo kwenye majukum mengine ya kikazi Misaada iliyokabidhiwa ni Mbuzi, Mchele, Sukari, Mafuta ya kupikia, Chumvi, Vinywaji, Maharage na Sabuni za kufulia na kuogea.