MAANDALIZI YA UBORESHAJI WA DAFTARI LA KUDUMU LA WAPIGA KURA WILAYA YA KARAGWE.

Imewekwa: September 27th, 2019

Halmashauri ya wilaya ya karagwe imeanza maandalizi kwa ajili ya kuhakikisha zoezi  zima la uboreshaji wa daftari la kudumu  la wapiga kura linaenda vizuri.Afisa Mwandikishaji wa Wilaya akishirikiana na Maafisa Tehama pamoja na Maafisa Wandikishaji wasaidizi  ngazi ya  Wilaya wamehakikisha kuwa  mafunzo kwa watendaji wa Kata kuhusiana na shughuli nzima ya uboreshaji wa daftari la kudumu la wapiga Kura linaendeshwa kwa kuzingatia sheria na taratibu.

Mafuzo hayo yamefanyika siku mbili kuanzia tarehe 25-26/09/2019 katika ukumbi wa Angaza mjini kayanga.Watendaji wote wa kata 23 wamepatiwa mafunzo na wapo tayari kwa zoezi zima la uboreshaji wa daftari la kudumu la wapiga Kura. Pia wanatarajia kuwa na mafunzo ya BVR Kit Operators na waandikishaji wasaidizi wa vituo vya kuandikishia wapiga kura kuanzia tarehe 29-30/09/2019.