MAANDALIZI YA SIKUKUU YA NANENANE YA MWAKA 2019 WILAYA YA KARAGWE YAPAMBA MOTO

Imewekwa: August 7th, 2019

Maandalizi ya kusherekea sikukuu ya nanenane yapamba moto siku mbili kabla ya maadhimisho ya sherehe hiyo katika uwanja wa changarawe  mjini kayanga.

Kabla ya sherehe yenyewe ya siku ya nane nane maandalizi yanaendelea vizuri , siku hio ni muhimu sana kwa wakulima na wafugaji wote ambao watasherekea katika viwanja vya changarawe mjini kayanga.Maandalizi haya yamewafanya wakulima,wafugaji na umma kwa ujumla kuhamasika vilivyo na sherehe hizo na kuungana kwa pamoja katika uendelezaji wa Tanzania ya viwanda.

Pamoja na kuendelea kwa shamra shamra hizo taasisi mbalimbali zimeandaa bidhaa mbalimbali ambazo zinaonyeshwa katika maeneo mbalimbali ya uwanja huo wa maonesho ya nanenane na zinashiriki  kuwezesha ufanisi wa sherehe hizo,baadhi ya taasisi zinazo shiriki ni pamoja na benki ya CRDB,benki ya NMB, benki ya TPB, KDCU, Vodacom, kampuni ya sola ya mobisol, kilimo na mifugo,maliasili,uvuvi na nyuki ambapo madawa mbalimbali ufugaji wa kuku, sungura, na ufundishaji jinsi ya kuvua na kufuga samaki vimefanya wahusika mbalimbali katika vibanda hivyo kuwaelimisha wakulima na jamii kwa ujumla, Sanjali na usajili wa laini na kadi za benki kwa watu mbalimbali.

     Sherehe hizo zinazidi kupamba moto katika uwanja huo wa maonesho ya nanenane wilayani karagwe(uwanja wa changarawe) hadi siku ya kilele cha sherehe za nanenane wilayani humo.