KARAGWE YAPOKEA WAJERUMANI

Imewekwa: September 25th, 2022

Halmashauri ya wilaya ya Karagwe imepokea wageni kutoka Manispaa ya Furth (Ujerumani). Wageni hao wamewasili Septemba 25, 2022 na watakaa katika Halmashauri ya wilaya ya Karagwe kwa muda wa siku saba (7). Wageni ni waheshimiwa madiwani 4, padre 1, Bruda 1 na mtaalam wa Manispaa hiyo 1.

Akizungumza kwa niaba ya Halmashauri ya wilaya ya Karagwe, Mhe. Wallace Mashanda ambaye ni mwenyekiti wa Halmashauri ya wilaya ya Karagwe amesema kuwa, wameanzisha urafiki kati ya Halmashauri ya Manispaa ya Furth (Ujerumani) na Halmashauri ya wilaya ya Karagwe kwa lengo la kutembeleana na kusaidiana katika kutatua matatizo yanayowakabili wananchi.

Aidha, ameongeza kuwa urafaiki umeanza muda mrefu kwani Wajerumani wameshawahi kuipatia halmashauri ya wilaya ya Karagwe gari ya kuzimia moto na uokoaji pamoja na vifaa vya uokoaji wakati wa janga la moto au majini.