DED MKOGA AKABIDHI OFISI RASMI

Imewekwa: August 21st, 2024

Aliyekuwa Mkurugenzi Mtendaji wa Halmashauri ya Wilaya ya Karagwe Dr. Amon David Mkoga amekabidhi rasmi Ofisi kwa Mkurugenzi mpya wa Halmashauri ya Wilaya ya Karagwe Bi. Happines Joachim Msanga.

Makabidhiano hayo yamefanyika katika ofisi ya Mkurugenzi mtendaji na kuudhuriwa naMakabidhiano hayo yamefanyika leo Agosti 21, 2024 katika ukumbi wa Ofisi ya Mkurugenzi na kuhudhuriwa na Mwenyekiti wa Halmashauri Mhe: Wallece Mashanda diwani wa kata ya Nyaishozi, Katibu Tawala wa Wilaya Ndg: Rasul Eliud Shandala Pamoja na wakuu wa Divisheni na Vitengo.

Akizungumza kwenye makabidhiano hayo Dr. Amon David Mkoga amemshukuru Rais wa Jamhuri ya muungano wa Tanzania Mhe. Dr. Samia Suluhu Hassan kwa kuendelea kumuamini na kumteua tena kuiongoza Halmashauri ya Wilaya ya Kwimba.

Vilevile amewashukuru watumishi wote wa Halmashauri ya Wilaya ya Karagwe akiwemo Mwenyekiti wa Halmashauri Mhe: Wallece Mashanda, Katibu Tawala wa Wilaya Ndg: Rasul Eliud Shandala Pamoja na wakuu wa Divisheni na Vitengo kwa ushirikiano wao.

Aidha alitumia nafasi hiyo kumkaribisha Mkurugenzi mpya wa Halmashauri ya Wilaya ya Karagwe Bi. Happines Joachim Msanga na kuwataka watumishi wa Halmshauri kumpa ushirikiano ili kwa pamoja waweze kutimiza malengo ya serikali na kuwatumikia wananchi kwa ubora zaidi.

Nae Mkurugenzi mtendaji wa Halmashauri ya Wilaya ya Karagwe Bi. Happines Joachim Msanga amewaomba watumishi wa Halmashauri wampe ushirikiano kama waliokua wanampa Mkurugenzi aliyeondoka ili tufanye kazi ya kumuheshimisha Rais na tufanye kazi kama timu, tujenge timu ya kazi tuleta maendeleo kwa wananchi, lakini amewasisitiza kufanya kazi kweli kweli na kwa ushirikiano mkubwa.

Akizungumza pia kwenye hafla hiyo ya makabidhiano Mwenyekiti wa Halmashauri ya Wilaya ya Karagwe Mhe: Wallece Mashanda kwa niaba ya Baraza la Madiwani amemshukuru na kumtakia kheri kwenye majukumu mapya ya kazi Dr. amon Mkoga Mkurugenzi anayehamishiwa Wilaya ya Kwimba na kwa upande wa Mkurugenzi Bi. Happines Msanga amemsihi kuwapokee na kuwasikiliza wote watakaofika ofisini kwake na kutekeleza maombi na ushauri wao.

Aidha Katibu Tawala wa Wilaya ya Karagwe Ndg: Rasul Eliud Shandala amemkaribisha Mkurugenzi Mpya Bi. Happines Msanga kwa kumpongeza kuendelea kuaminiwa na Rais wa Jamhuri ya Muungano wa Tanzania Mhe. Dr. Samia Suluhu Hassan kwa kumpangia kituo chake kipya na kuahidi kumpa ushirikiano wa kutosha kati ya Ofisi ya Mkuu wa Wilaya na hasa katika suala zima la uchaguzi wa Serikali za Mitaa.