DED KARAGWE AUNGANA NA WAFANYAKAZI WOTE DUNIANI KUADHIMISHA SIKU YA WAFANYAKAZI DUNIANI

Imewekwa: May 1st, 2024

Mkurugenzi mtendaji wa Halmashauri ya Wilaya ya Karagwe Dr. Amoni David Mkoga na Wafanyakazi wa Halmashauri ya Wilaya ya Karagwe wameungana na Wafanyakazi wote Dunia kuadhimishi siku ya wafanyakazi Duniani.

Maadhimisho haya yamefanyika leo May 1, 2024 ambapo kwa Mkoa wa Kagera yameadhimishwa katika uwanja wa mpira wa Kaitaba Mkoani Kagera ambapo mgeni rasmi alikuwa Mkuu wa Mkoa wa Kagera Hajat Fatuma A. Mwassa.

Aidha katika maadhimisho hayo Mkuu wa Mkoa wa Kagera Hajat Fatuma A. Mwassa amewatunuku vyeti Wafanyakazi bora wa taasisi mbalimbali walio ungana na Wafanyakazi wote kusherehekea siku hii muhimu.

Maadhimisho ya siku ya wafanyakazi hufanyika tarehe 1 Mei, ya kila Mwaka ambapo Mwaka huu 2024 maadhimisho hayo kitaifa yamefanyika Jijini Arusha yakiwa na kauli mbiu isemayo "Nyongeza ya mshahara ni msingi wa mafao bora na kinga dhidi ya hali ngumu ya maisha"